लघुकथा (अङ्क २७ मा प्रकाशित)

"जा, गइहाल । तँ यो रित्तो घरमा किन अझै बसेको छस् ?” सुन्तलीले मकैको खोयाले हान्दै घरभित्रको मुसालाई लखेट्न खोजिन् ।

मुसो अटेरी भएर बस्यो । ऊ डेग चलेन । सुन्तलीको रिसको पारो चढ्यो । उनले रिसाउँदै भनिन्, ”आफू त भोकभोकै बस्नुपरेको कति दिन भइसक्यो । तँ चाहिँ के खान बसेको छस् यो घरमा ?”

सुन्तलीको वेदना मिश्रित रिसलाई नियालिरहेको मुसाले प्रतिप्रश्न गर्दै  भन्यो, ”जीर्ण भएको घर र छोराछोरीले पनि नहेरेर बुढेसकालमा एक्लो भएको मानिसलाई छोडेर जान मेरो धर्मले दिँदैन त, म के गरूँ ?”

बूढानीलकण्ठ, काठमाडौँ

--------------------------------------

.‍..‍.‍.‍साथ सहयोगको खाँचो

लघुकथा संसार र कविता संसार अनलाइन मासिक पत्रिकालाई
जीवित राख्नका लागि तपाईंको 
आर्थिक सहयोग महत्वपूर्ण हुन्छ ।