लामो समयको तनावबाट मुक्त भए भन्दै उफ्रि उफ्रि नाचेको केशरको टिकटक देखेर उनको छिमेकी गीतादेवी छक्क परिन् । दश वर्ष अघि शारदासित बिहे गर्दा केशर यसरी नै खुसीले नाचेको थियो । कहाँबाट एउटा लोग्ने डिभोर्स गरेर टन्न सम्पत्ति कुम्ल्याएको आफूभन्दा दश वर्षे जेठी त्यो अनुराधालाई भेटेदेखि यो केशरको मति नै बिग्रियो । त्यसले अमेरिका लैजान्छु भने पछि त यसले त्यस्तो असल श्रीमती शारदा र छोराछोरीलाई रातदिन कुटेर थिलथिलो पार्थ्यो ।
विचरी त्यो शारदालाई रुवाएर केशरले हिजो मात्रै डिभोर्स गर्न लगायो । आफ्नो सुखी परिवारमा आफैले आगो लगायो । त्यो अनुराधाको पछि लागेर शारदाको जीवनमा तनाव थपेर आफूचाहिँ तनाव मुक्त भएँ भन्दैँ टिकटक बनाएर नाँच्दो हो । यसलाई अमेरिका लैजान्छु भन्ने यो अनुराधाले पनि यसैगरी धोका दिए त म मज्जाले उफ्रि उफ्रि टिकटक बनाएर नाच्थें भन्दै छिमेकी गीतादेवीले भने टिकटक हेर्दै केशरलाई निकै बेरसम्म गाली गरिरहिन् ।
जीवित राख्नका लागि तपाईंको
आर्थिक सहयोग महत्वपूर्ण हुन्छ ।
No comments:
Post a Comment