"ऋतुराज वसन्त आयो, सृष्टि अब रङ्गिलो हुनेभो’’, भन्दै सुरिलो स्वरमा सन्देश फैलाउने निष्पाप सामर्थ्य कोइलीबाहेक कसको छ र ! यस्तै माहोलमा होलीको पर्व ।
“आगोले नपोल्ने वरदान पाएकी ’होलिका’ राक्षसीलाई पापी हिरण्यकशिपुले आफ्नै पुत्र ’प्रह्लाद’लाई मार्न लगाएको हुन्छ । बालक प्रह्लाद विष्णुभक्त भएकाले अग्निको ज्वालामा पनि सकुशल रहेको र होलिका भने पापको पक्षमा रहेकी हुनाले तथा वरदानको दुरुपयोग भएकोले स्वयम अग्निमा भस्म हुन्छे । यसप्रकार पाप र अन्यायप्रति विजयप्राप्त भएकाले आज अर्थात फाल्गुण पूर्णिमाको दिन होली पर्व रिस, द्वेष, अहङ्कार भुलेर हामी सबै शान्ति, एकता र मिलन जीवित राखौँ भन्दै नानारङ्गी अबिर एक अर्कालाई लगाउँछौँ । प्राचीनकालदेखि चलाइआएको परम्परा हो ।’’ जेष्ठ नागरिक मञ्चका एकजना सदस्यले होली खेल्न आएका आफ्नो टोलका पुरुष, महिलाहरूलाई खुसी हुँदै भने ।
त्यसैबेला एउटा डि.आई. वाहनमा करिब २०/२२ जना तरुण युवायुवतीहरू साउन्ड बक्समा नबुझिने गरि घन्किएको धुनमा एक अर्काको शरीरमा ठोकिने गरि उफ्रिँदै गए । टिसर्ट र हाफ पाइन्टमा रहेका यिनीहरूलाई चिन्न मुस्किल छ! अबिर र लोलाको रङ्गले सबै उस्तै देखिन्छन् । हातमा भएको बोतल छिनछिनमा घुट्काउँछन् । यिनीहरूको भव्य आगमनले छेउछाउका पसलेहरू आत्तिएर झ्यालढोका बन्द गर्छन् ।
टोल नजिक शतायु नाघेको पिपलको वृक्षबाट आवाज आयो “को हो…को हो…!’’
हजुरबासँग होली खेल्न आएको सानो बालकले हजुरबालाई सोध्यो “हजुरबा, त्यो चरोले कसलाई भनेको को हो…को हो…?’’
जीवित राख्नका लागि तपाईंको
आर्थिक सहयोग महत्वपूर्ण हुन्छ ।
No comments:
Post a Comment