अनुवाद लघुकथा (अङ्क २७ मा प्रकाशित)

धारिलो चक्कु सिधै पेटमा घुस्यो र आन्द्रा–भुँडी बाहिर निस्किएर भुइँसम्म पुग्यो । लाजघीनको पर्दा काटिएर शरीरबाट अलग भयो र चक्कु चलाउनेलाई अफसोस भयो। उसको मुखबाट शब्द निस्किएः “अरे, यो त आफ्नै धर्मको रहेछ ! दाह्री–जूँगा नराख्ने यो समयमा चिन्नै गाह्रो हुँदोरहेछ । साला, धर्मको पहिचान नै नहुँदो रहेछ ।”

लाश सडकमा लडिसकेको थियो । चक्कु चलाउनेलाई हत्या गरेकोमा भन्दा पनि पाप भयो कि भन्नेमा अफसोस थियो ।

– नयाँ दिल्ली, भारत

..............................................................................‍

..‍.‍.‍साथ सहयोगको खाँचो

लघुकथा संसार र कविता संसार अनलाइन मासिक पत्रिकालाई
जीवित राख्नका लागि तपाईंको 
आर्थिक सहयोग महत्वपूर्ण हुन्छ ।

अनुवाद लघुकथा (अङ्क ९ मा प्रकाशित)

शौचालय अर्थ

-सन्दीप तोमर
उत्तम नगर, नयाँ दिल्ली, भारत    

कहाँ घुस्न लागेको हो तिमी ?

सार्वजनिक शौचालय बाहिर कुरुवा बसेका एक भद्र पुरुषले प्रश्न गरे ।

– दिसा बस्न जान लागेको ।

– यहाँ त्यत्तिकै तिमी जान पाउँदैनौं ।

– यसका लागि के
म बाजा बजाएर जाउँ त ! कुरा सुन्दा पनि अजीव लाग्छ ।

– अबदेखि फोगटमा यहाँ दिसा–पिसाब गर्न नपाइने भो, थाहा पाइयो नि !

– के यो सार्वजनिक शौचालय हैन र? के यो कसैको बाउको पेवा हो र?

– त्यो त थाहा भएन तर यहाँ हाकिमको आदेश छ कि आइन्दादेखि कसैले त्यत्तिकै यहाँ दिसा–पिसाब गर्न पाइँदैन । पिसाब गरेको दस रुपैयाँ लाग्छ भने दिशा गरेको चाहिँ बीस रुपैयाँ लाग्छ । तसर्थ पहिले नै दस रुपैयाँ देउ अनि मात्र जान पाइन्छ, नत्र भने अन्तै जान सक्छौ ।

सो व्यक्तिको पेट कतक्क खाएकोले उनलाई हतार भइसकेको थियो । यसै बीच सास्ती सहँदै उनले एक हातले पेट समातेर अर्को हातले गोजी छाम्न लागे ।

अनुः गगनदीप सर्व

(हिन्दी भाषाबाट अनुदित)

.....साथ सहयोगको खाँचो