"साहुजी साहुजी, मलाई स्याउ र अनार एक एक किलो दिनुहोस् न ।’’ एकाबिहानै पसल पुगेर हरिले हतारिँदै साहुजीलाई भन्यो ।
“पख्नुहोस् है, म पहिला अरूलाई बिदा गर्छु । आज यस्तो केको हतार हो ? अफिस जाने बेला त भएकै छैन ।’’ साहुजी मुस्कुराउँदै बोले ।
“आज मातातिर्थ औंसी आमाको मुख हेर्ने दिन त्यसैले आमालाई भेट्न जानुछ ।’’ हरिले प्रस्ट्याए ।
“आहो ! हरिजी आमा त तपाईंसँगै हुनुहुन्न र?
पुनः जिज्ञासा राखे साहुजीले ।
हरिले बिस्तारमा बताए, “हो साहुजी, सँगै हुनुहुन्थ्यो तर मेरो अफिस श्रीमती पनि काममा जान्छिन् नानी बाबु स्कूल अनि आमा घरमा एक्लै हुनुभयो । समय दिन सकिएन त्यसैले आमा वृद्धआश्रममा हुनुहुन्छ ।
आश्रमका धेरै बुबाआमासँग आमालाई दिन बिताउन सजिलो होस् एक्लो महसुस नहोस् भनेर राखेका हौँ साहुजी । म निस्किन्छु आश्रममा गएर आमालाई भेट्नु छ अनि श्रीमतीलाई माइत पठाउनु छ ।’’
– ताप्लेजुङ
जीवित राख्नका लागि तपाईंको
आर्थिक सहयोग महत्वपूर्ण हुन्छ ।
