"तेरो नाम छ कि छैन ? हेरेर बस् है ?’’, चिया पसलमा पस्दै गरेको सुरजलाई भरतले भन्यो ।
“के नाम ?’’, सुरज अलमल पर्दै बोल्यो ।
“यो साहूले ऋणीको नाम र रकम त्यो भित्तामा टाँसेको छ ।”, चोर औंला तेर्स्याउँदै भरतले सूची टाँसिएको भित्तो देखायो ।
“हैट, चुनावी माहौलमा बेइज्जत गर्छ कि क्या हो ?’’, भन्दै सुरज सूची हेर्न गयो । लेखिएको थियो देशलाई ऋणी बनाउनेहरू शीर्षकमा २०६३ साल पछिका शासन सत्तामा पुगेका सरकार, तिनले नेपाली जनताको नाममा लिएको बैदेशिक ऋण र प्रतिव्यक्ति ऋण भार तीन लहरमा थियो ।
त्यो देखेर सुरजले सोध्यो, “ए साहू ! चुनावको मुखैमा यो के हो ?’’
“हजुरको नाममा अरु एक हजार थपिदैँछ ।’’, साहूले अझ सशंकित पार्यो ।
“कसरी ?’’, संयमित हुँदै उसले सोध्यो ।
साहूले पनि मुस्कुराउँदै निर्वाचन आयोगको पोष्टरतिर देखाउँदै भन्यो, “यसपालिको चुनाव खर्च !’’
--------------------------------------
.....साथ सहयोगको खाँचो
लघुकथा संसार र कविता संसार अनलाइन मासिक पत्रिकालाई
जीवित राख्नका लागि तपाईंको
आर्थिक सहयोग महत्वपूर्ण हुन्छ ।
जीवित राख्नका लागि तपाईंको
आर्थिक सहयोग महत्वपूर्ण हुन्छ ।
