लघुकथा (अङ्क २४ मा प्रकाशित)

"निम्तालु त थुप्रै रहेछन् ?’’

मन्त्रीको छोरीको बिवाहमा भिडभाड देखेर पुरानो मित्रका नाताले उपस्थित एक निम्तालुले मन्त्रीलाई सोधे ।

“अँ छन् अलिअलि ।’’ मन्त्रीले अझै कमै भएको संकेतमा कुरा गरे ।

“कसरी यत्रा भए ?’’ निम्तालुले जिज्ञासा राखे ।

“भोटरहरू सबैलाई निम्ता दिए, पार्टीका कार्यकर्ता भै हाले, उद्योगी व्यापारीलाई छोड्न भएन, बन्धुबान्धव, घर गाउँले, भाइ भारदार आदि त हुन् ।’’ उनले फेरहिस्त बताए ।

“केही काटछाँट गर्न नमिल्ने रहेछ?’’ निम्तालुले थप जिज्ञासा राखे ।

“मन्त्रीको रवाफ ।’’ मन्त्रीले ठाँटिदै जवाफ दिए ।

निम्तालुले नम्र भएर भने, “मन्त्रीको सान मलामी कमाउँदा पो हुने होइन र ?’’

– लोकन्थली, भक्तपुर

..............................................................................‍

..‍.‍.‍साथ सहयोगको खाँचो

लघुकथा संसार र कविता संसार अनलाइन मासिक पत्रिकालाई
जीवित राख्नका लागि तपाईंको 
आर्थिक सहयोग महत्वपूर्ण हुन्छ ।