सामाजिक सञ्जालको विस्तारसँगै कविताले अभूतपूर्व पहुँच पाएको छ । आज एउटा सिर्जना केही क्षणमै हजारौँ पाठकमाझ पुग्न सक्छ । यसले नयाँ स्रष्टालाई आफ्नो प्रतिभा प्रस्तुत गर्ने अवसर दिएको छ भने पाठक र कविबीचको दूरी पनि घटाएको छ ।
तर अवसरसँगै चुनौतीहरू पनि बढेका छन् । तात्कालिक लोकप्रियताको होडमा गुणस्तरीय सिर्जना ओझेलमा पर्ने, मौलिकताभन्दा नक्कलले स्थान पाउने र साहित्यको मूल्यलाई ‘लाइक’ र ‘सेयर’को संख्याले मापन गर्ने प्रवृत्ति बढ्नु चिन्ताको विषय हो । कविता केवल शब्दको संयोजन होइन, संवेदना, अध्ययन र साधनाको परिणाम हो ।
यस्तो अवस्थामा 'कविता संसार' अनलाइन मासिकले सामाजिक सञ्जालको सकारात्मक उपयोग गर्दै गुणस्तरीय कविता, नयाँ प्रतिभा र स्थापित स्रष्टालाई एउटै साझा साहित्यिक मञ्चमा जोड्ने प्रयास गरिरहेको छ । सिर्जनाको सम्मान, मौलिकताको संरक्षण र स्वस्थ साहित्यिक संस्कृतिको विकास हाम्रो निरन्तर प्रतिबद्धता हो ।
साहित्यको मूल्य समयले निर्धारण गर्छ, सामाजिक सञ्जालले होइन । त्यसैले प्रविधि परिवर्तन हुँदै जाला, माध्यम फेरिँदै जालान्, तर साँचो कविता सधैँ मानवीय संवेदनाको आवाज बनेर बाँचिरहनेछ । त्यस यात्रामा 'कविता संसार' सधैँ सिर्जना र साहित्यको पक्षमा उभिरहने विश्वास व्यक्त गर्दछ ।
अङ्क ३४ पढ्न र डाउनलोड गर्नका लागि फोटोमा क्लिक गर्नुहोस् ।
जीवित राख्नका लागि तपाईंको
आर्थिक सहयोग महत्वपूर्ण हुन्छ ।
No comments:
Post a Comment