सिर्जना अभियान समाज भक्तपुरको व्यानरमा ध्रुवराज थापा ‘पुरुष’ द्वारा लिखित लघुकथासङ्ग्रह ‘सपनाको पहाड’ को विमोचन कार्यक्रम भव्यताका साथ सम्पपन्न भयो । समाजका सचिव ध्रुव मधिकर्मीको सभापतित्व र डा. पुष्करराज भट्टको प्रमुख आतिथ्यमा सञ्चालित उक्त कार्यक्रम वन्दना घिमिरेले सञ्चालन गरेकी थिइन् भने इन्दिरा चापागाईंले स्वागत मन्तव्य राखेकी थिइन् ।
कथाकार ध्रुवराजको जन्मोत्सव समेत रहेका कृतिकारलाई सृजना अभियान समाजले बधाई–पत्र प्रदान गरेको थियो भने हाम्रो लघुकथा केन्द्रका तर्फबाट जन्मदिवसलाई अझ भव्य बनाइएको थियो । कार्यक्रममा कृतिकारका तर्फबाट मायाको चिनो प्रदान गरिएको थियो । सो कार्यक्रममा प्रार्थना खनाल, रमेश सुवेदी, मन्दिरा चापागाईं र शान्ता तिम्सिनाले कृतिबाट १/१ लघुकथा वाचन गरेका थिए ।
सभाध्यक्ष मधिकर्मीबाट धन्यवाद ज्ञापन गरी औपचारिक कार्यक्रम समापन गरिएको थियो । कृतिकार ध्रुवराज थापा ‘पुरूष’ हाम्रो लघुकथा केन्द्र बागमती प्रदेशका उपाध्यक्ष हुनुहुन्छ ।
---------------------------------------
जीवित राख्नका लागि तपाईंको
आर्थिक सहयोग महत्वपूर्ण हुन्छ ।
No comments:
Post a Comment