समाजसेवी सुदीपको हृदयाघातको कारण ४१ वर्षको उमेरमा मृत्युु भएको दोस्रो दिन शनिवार श्रद्धाञ्जली तथा समवेदना प्रकट गर्ने मान्छेको आवागमन बेसी थियो । त्यहाँ उपस्थितमध्ये आफन्तले श्रद्धाञ्जली दिने क्रममा सोधे, "छोरालाई किरिया किन नराखेको ?’’
"व्रतबन्ध नभएकोले ।’’ यशोधाले छोटो उत्तर दिइन् ।
अनि आफूलाई ठालु ठान्नेहरुले आ–आफ्ना विचार लाद्न थाले । कसैले भने, "१५/१५ वर्ष भइसकेको छोराको व्रतबन्ध बेलैमा गर्नुपर्ने । यस्तो कुराको ख्याल त आमाले राख्नुपर्थ्यो नि । कमसेकम बाउको किरिया त गर्न पाउँथ्यो ।’’
कसैले भने, "कर्म नचले नि कुशको जनै लगाइदिएर छोरालाई नै किरिया राख्नुपर्थ्यो ।’’
कसैले सही थाप्दै थिए, "त्यही त छोरालाई किरिया गराउन पाएको भए बूढो बाउले त छोराको किरिया गर्नुपर्ने थिएन नि । बिचरा बूढा ।’’
कुरा सुनेर यशोदा बडो द्विविधामा परिन्, "होइन, यिनीहरू श्रद्धाञ्जली दिन आएका हुन् कि घाउमा नुनचुक छर्न ?’’
– बूढानीलकण्ठ, काठमाडौँ
जीवित राख्नका लागि तपाईंको
आर्थिक सहयोग महत्वपूर्ण हुन्छ ।
No comments:
Post a Comment