"भोलिको अङ्क विशेष हुनुपर्छ है ।” सम्पादकले आफ्ना सहकर्मीहरूलाई एक खालको निर्देशन दियो ।
त्यो दिन तत्कालीन महारानीको जन्मदिन थियो । प्रायःजसो दैनिक पत्रपत्रिकामा शुभजन्मोत्सवका सुन्दर अक्षरहरूले विशेष सिंगारिएको थियो ।
सरकारी मुखपत्र मानिने दैनिक पत्रिका झन् अरुभन्दा त्यसै फरक र आकर्षक हुनुपर्ने नै भयो ।
सो दैनिक पत्रिका रङ्गीन कलेवरमा महारानीको सामाग्रीले भरिभराउ थियो । सो अङ्क पठनीय र रोचक बनाउन सम्पादक टिमले सक्दो कोसिश गरेका थिए ।
त्यसमध्ये एक सामाग्रीमा “महारानी गुुलाफको फूल अत्यन्तै मन पराइबक्सन्छ” भन्ने वाक्यांशमा गुलाफ शब्दको पछाडिको “फ” अक्षर नै छुट्न पुगेछ ।
पत्रिका विशेष कलेवरमा छापिएर जताततै बाँडियो । राजदरबारमा त नपुग्ने कुरै भएन ।
सरकारी मुखपत्रका सम्पादक मण्डलका सबै सदस्यहरू मुमा बडामहारानीबारे त्यस्तो सामाग्री निकाल्न पाएकोमा आफैँमा उत्साहित र खुसी थिए ।
तर बेलुकाको टेलिभिजनको एक खबर विशेषले भने तीनचित खाए । खबर यो थियो कि– “हाम्रो मुखपत्रको एक सामाग्रीले हामीलाई अत्यन्तै लज्जित तुल्यायो । यसकारण सम्पादकलगायत उनका टिमका सदस्यहरूलाई आजकै दिनबाट जागिर सधैँका लागि छुट्टि दिइएको छ ।”
– गोरखा
No comments:
Post a Comment