लघुकथा (अङ्क १ मा प्रकाशित)

परिवर्तन

-गंगा खड्का
बूढानीलकण्ठ, काठमाडौँ 

"आजकाल त रमिलाले सासूलाई निकै माया गर्न थालिछे नि ।"

“हो त ! कतै सासूको खातामा निकै पैसा भएको कुरा थाहा पाएर त होइन ?"

राधा र सरिता बीचको कुराकानी संयोगवश रमिलाले पनि सुनी ।

उसले बडो गम्भीर भएर भनी, “सासूको खातामा पैसा भएको थाहा पाएर माया गरेकी होइन । मेरो छोरो जन्मेपछि एउटा सन्तानको लागि आमाबाबुले कति दुःख गरेका हुँदा रहेछन् भन्ने कुरा थाहा पाएर चाहीँ हो ।"