ब्याट्री
- सुस्मिता अधिकारी
लैनचौर, काठमाडौँ
द्रुत गतिका सातवटा यान एक्कासी आकाशतिर हुँइकिए । प्रविधि विकासको सिमा नै रहेन । प्रतिनिधिहरू आफ्ना अति नै विश्वासी पात्र यान्त्रिक मानवलाई साथमा लिएर जी–सेभेनको बैठकमा सामेल हुन स्पेश स्टेशनमा जाँदै थिए । संसारभरिका सञ्चार माध्यममा मुख्य समाचार बन्न पुग्यो ।
चरम घृणाको उत्कर्षबाट विश्वयुद्ध तर्फ मोडिदै गरेको सन्दर्भमा छलफल गरिंदै थियो । आ–आफ्ना पक्षधरले गरेका कार्य नै श्रेष्ठ भनी अडिग रहँदा अविश्वासको पहाड नै चुलियो ।
एकाएक सन्नाटा छायो । सन्नाटा बीच सहयोगीलाई बोकी ल्याएको ब्रिफकेसको बटन थिच्न निर्देशन दिए ।
तल पृथ्वीमा साइरनको आवाजसँगै कोलाहल मच्चिन थाल्यो । प्रत्यक्ष प्रसारण देखेर बैठक सहभागीहरुले आत्तिदै थिचिएको बटनलाई निष्क्रिय पार्न निर्देशन दिए । सहयोगीहरुले कुनै प्रतिक्रिया जनाएनन् । केवल एकोहोरो ब्याट्री ब्याट्री भन्दै कराइरहेका थिए ।
---------------------------------------
जीवित राख्नका लागि तपाईंको
आर्थिक सहयोग महत्वपूर्ण हुन्छ ।
No comments:
Post a Comment