"फूलमाया जस्तो भाग्यमानी को छ ?” गाउँभरि यही हल्ला चल्यो । गाउँको स्कुलको कक्षा दशमा अध्ययनरत फूलमाया पनि मख्खै थिइन फणिन्द्रसँग विवाह सम्पन्न भएकोमा । पश्चिमाञ्चल क्याम्पस, पोखरामा स्नातक तहमा अध्ययरत फणिन्द्र पनि खुशी थिए आफ्नी प्रेमिकालाई श्रीमतीको रूपमा पाउँदा । अभिभावकका आशङ्का र गुनासोका बाबजुद नवदम्पती सफलतापूर्वक जीवनको नयाँ सिँढी चढ्दै थिए । फूलमाया मुस्कुराउँथिन् सुन्दर भविष्यको कल्पना गरेर । अनि, हर्षका आँसु…….।
“फूलमाया जस्तो अभागी को छ ?” धारा, टोल, गाउँभरि यही हल्ला चल्यो । भनियोः मध्यरातमा उदाएको घाम बिहानै अस्तायो ! फणिन्द्र बस दुर्घटनामा दिवङ्गत भएको समाचार छापियो ।
उनी अहिले सेतो पहिरनमा… । अनि, बलिन्द्रधारा आँसु… ।
– पृथ्वी नारायण क्याम्पस, पोखरा
..............................................................................
....साथ सहयोगको खाँचो
लघुकथा संसार र कविता संसार अनलाइन मासिक पत्रिकालाई
जीवित राख्नका लागि तपाईंको
आर्थिक सहयोग महत्वपूर्ण हुन्छ ।
जीवित राख्नका लागि तपाईंको
आर्थिक सहयोग महत्वपूर्ण हुन्छ ।
No comments:
Post a Comment