त्रिपासा खेलिरहेका शिव पार्वती गफिँदै पनि थिए । जुवामा हार्दा हार्दा महादेव हलाक बनेका थिए । आकाशमा आउने जाने विमान देखेर पार्वतीले सोधिन्– 'आज पुष्पक विमानमा कस्को ओहोर दोहोर चलिरहेको छ पतिदेव ?’ महादेवले बेवास्ता गर्दै जुवा तिरै मन लगाए र भने– 'तिमी आफ्नो शान्त कुटीमा बसिरहेकी छौ । तिमीलाई अनेकथरि चासो किन ?’ पार्वती चुपचाप त्रिपासा खेल्न मै तल्लिन भइन् । महादेवले झन् हार्दै गए । आजको सन्जोग त्यस्तै पर्यो । पार्वतीले जिती मात्रै रहिन, महादेवले हार्दै गए ।
एकाएक नारदको प्रवेश हुन्छ । उनी हात जोडेर उभिइ रहे । ठुस्स परेका महादेवले 'के भन्न आएका हौ भन’ भन्ने इशारा गरे । नारदले बिन्ती गरे– 'रात सकिएकै थिएन । पृथ्वी माताले कोल्टे फेरेकै थिइनन् …..।’ महादेवको रिस तेस्रो नेत्रतिर सर्दै थियो– 'अनि के भो…?’
पार्वती के गरौं के नगरौं को भावमा उभिइ रहिन् । उनीलाई पनि नारद के भन्न खोज्दै छन् भन्ने थाहा थिएन । झुकेर नारद बोले– 'भेनेजुएलामा आश्चर्य भएछ प्रभु ! सीताको मात्र होइन रामको समेत अपहरण भएछ प्रभु ।’
- कटुन्जे, भक्तपुर
जीवित राख्नका लागि तपाईंको
आर्थिक सहयोग महत्वपूर्ण हुन्छ ।
No comments:
Post a Comment