महिला – “नियमापत्ति छ श्रीमान् !’’ उनी कठघरबाट चिच्याइन् ।
न्यायाधीश – “के आपत्ति छ ? भन्नुस् ।’’
“मलाई यो संभोग शब्दसँग आपत्ति छ ।’’
“किन ?’’
“म नौ बर्षकी हुँदै गर्दा मेरो बिहे भयो । म र मेरो पतिको बोलचाल डरले हो या लाजले धेरै बर्ष भएन । तर मैले किशोरी अवस्थामै बर्षेनी बच्चालाई जन्म दिदै गएँ ।
सहवासका दौरानमा मेरा पतिले मेरो इच्छा प्रति सम्मान गरेर हैन, आफ्नो यौन उत्तेजनालाई क्रियाशिल बनाउनुभएको हो ।
जसको फलस्वरूप सन्तानको जन्म भएको जानकारी गराउँछु ।
त्यसैले, परिवर्तित समयलाई मध्यनजर गर्दै; म प्रति भएको अन्यायपूर्ण व्यवहारको क्षतिपूर्तिसहित मैले वहाँलाई बलात्कारको मुद्दा दायर गरेकी हुँ ।
न्यायाधीश – “त्यस्तो कानुनको निर्माण नभइसकेको कारण तपाईंको मुद्दा विचाराधीन रहनेछ ।’’
महिला – “लैङ्गिक समानताको उद्देश्यले मेरो मुद्दामा सुनवाई हुनु जरुरी छ । मेरो मेरा पतिसँग कुनै किसिमको संभोग थिएन र छैन । त्यो विशुद्ध बलात्कार हो । क्षतिपूर्तिको उचित व्यवस्था होस् ।’’
न्यायाधीश – “तपाईंको मुद्दाको फैसला कानुन निर्माण पछि हुन्छ ।’’
–रातोपुल, काठमाडौँ
जीवित राख्नका लागि तपाईंको
आर्थिक सहयोग महत्वपूर्ण हुन्छ ।
No comments:
Post a Comment