नेपाली साहित्यको समृद्ध परम्परामा कविता विधाले सधैँ अग्रणी स्थान ओगट्दै आएको छ । प्रारम्भिक कालदेखि आधुनिक समयसम्म आइपुग्दा नेपाली कविताले समाज, संस्कृति, प्रकृति र मानवीय संवेदनाका विविध आयामलाई अभिव्यक्त गर्दै आफ्नो विशिष्ट पहिचान बनाएको छ ।
समकालीन परिवेशमा नेपाली कविताको दायरा अझ विस्तार भएको देखिन्छ । मुद्रित पत्रपत्रिकासँगै अनलाइन साहित्यिक पत्रिका र सामाजिक सञ्जालले नयाँ पुस्ताका कविहरूलाई सिर्जना प्रस्तुत गर्ने सहज मञ्च प्रदान गरेका छन् । यसले कवितामा विविध शैली, प्रयोगशीलता र समसामयिक विषयवस्तु प्रवेश गराएको छ । फलस्वरूप नेपाली कविता निरन्तर गतिशील र जीवन्त देखिन्छ ।
यद्यपि सहज प्रकाशनका कारण सिर्जनामा अध्ययन, साधना र भाषिक अनुशासनको आवश्यकता अझ बढी महसुस हुन थालेको छ । कविताको गुणस्तर, गहिराइ र मौलिकता कायम राख्नु आजको महङ्खवपूर्ण दायित्व हो ।
समग्रमा हेर्दा नेपाली कविताको वर्तमान अवस्था आशावादी देखिन्छ । नयाँ पुस्ताको उत्साह र अग्रज स्रष्टाहरूको अनुभवले नेपाली कवितालाई अझ समृद्ध र ऊर्जावान बनाउँदै लैजाने विश्वास गर्न सकिन्छ । यस सन्दर्भमा कविता संसार अनलाइल पत्रिकाले पनि सर्जकहरूलाई लेखन र सिर्जनात्मक यात्रामा सानो भए पनि सहयोग गर्न पाउँदा हामी अत्यन्त खुशी र उत्साहित छौँ ।
अङ्क ३० पढ्न र डाउनलोड गर्नका लागि फोटोमा क्लिक गर्नुहोस्
जीवित राख्नका लागि तपाईंको
आर्थिक सहयोग महत्वपूर्ण हुन्छ ।
No comments:
Post a Comment