दैनिक श्रमको मौन लयमा बाँधिएकी ती महिला, त्यस दिन पनि सधैँझैँ कुच्चो चलाउँदै थिई । सफाइको क्रममा मालिकको कोठामा राखिएको सानो शीशी ठोक्कियो— तरल फैलियो । गन्धले संकेत गर्यो— त्यो परीक्षणका लागि राखिएको पिसाब थियो ।
क्षणभर ऊ स्तब्ध भई । गल्ती लुकाउने हतारमा, बाथरुमतिर लागी—
र खाली शीशी आफ्नै पिसाबले भरिदिई ।
भोलिपल्ट, मालिक परीक्षणको प्रतिवेदन लिन गए। चिकित्सक मुस्कुराए—
“बधाई छ, तपाईं गर्भवती हुनुहुन्छ ।”
मालिक चकित भए, र एकाएक घरको सफाइ गर्ने ती मौन हात सम्झिए ।
त्यस दिन, एउटा सानो शीशीले मात्र होइन—विश्वास, सत्य र पहिचानको सीमारेखा पनि उल्टाइदिएको थियो ।
–चाबहिल, काठमाडौँ
..............................................................................
....साथ सहयोगको खाँचो
लघुकथा संसार र कविता संसार अनलाइन मासिक पत्रिकालाई
जीवित राख्नका लागि तपाईंको
आर्थिक सहयोग महत्वपूर्ण हुन्छ ।
No comments:
Post a Comment