आँखाहरू एकाएक रोकिए ।
एकोहोरिएका आँखालाई अन्यत्र पन्छाउन हम्मेहम्मे पर्यो उसलाई ।
एकटकले आफूतर्फ हेरिरहेका आँखामाथि आँखा परेपछि उनी उसका सामु पुगिन् र भनिन् ‘असभ्य मान्छे । के हेरेको ? मान्छे देखेको छैन ?’
उसले जवाफमा भन्यो ‘आँखाको काम नै हेर्नु हो र यिनले देखेसम्म हेरि नै रहनेछन् ।’
‘कुरा बुझिन मैले, प्रस्ट भन्नुस् के भन्न खोजेको ?’ उनले आक्रोशित हुँदै भनिन् ।
जवाफमा उसले भन्यो ‘धेरै देखे यी आँखाले, देखिरहेका र देख्ने पनि छन् ।’
उनी झनै आक्रोशित भइन् । भनिन् ‘ भो यस्तो दर्शन चाहिएन, आँखाको काम नै हेर्नु हो भन्दैमा के यसरी एकोहोरो हेरिरहने ? नारीको इज्जत गर्नुपर्छ, एउटी अपरिचित नारी माथि यसरी एकोहोरो हेर्नु असभ्यता हो भन्ने थाहा छैन ? दिदी–बहिनी छैनन् ?’
उनको प्रश्नले ऊ एकोहोरियो । केहीबेर मौन रह्यो र आफूलाई सम्हाल्दै भन्यो ‘थिइन् एउटी बहिनी तिनै बहिनीको झल्को लागेर हेरेको हुँ ।’
जीवित राख्नका लागि तपाईंको
आर्थिक सहयोग महत्वपूर्ण हुन्छ ।
No comments:
Post a Comment