साभार लघुकथा (अङ्क ३८ मा प्रकाशित)

माएले भन्यो, “हेर ! मिलेर बस्नु जाति !’’

“दुई वर्षअगाडि विकासेसँग बस्यो टिक्न सकेन । अहिले हामीसँग बस्छु भन्छ !’’ झालेले भन्यो ।

विकासेहरू आफूआफूमै गफिँदै, “ए ! सुन्यौ तिनीहरूले ? झालेको दश वर्षअघि हाकिम भएको व्यक्ति हामीकहाँ आएर सँगै मिलेरे बसौं भन्यो, कुन पद चाहियो ? कुन ठाउँ चाहियो सोधियो । पहिला छाडेर गएको पदमा तिमीलाई राख्न गारो छ, भोलि आउनु घनीभूत छलफल गर्नुपर्छ भनियो । आज त माएकैमा गएर मिलेछ ।’’

विकासेको एक सदस्यले भन्यो, “हरे ! माए र झालेका दुई समूह मिलेछन् । समुहमा पाँच जना हाकिम भैसकेका व्यक्तिहरू छन्, एउटै दापमा पाँचवटा खुकुरी कति दिन टिक्छ खै !’’

त्यही मध्येको एकले भन्यो “राजनीतिमा त एउटा दापमा धेरै खुकुरी नमिली धरै छैन ।’’

--------------------------------------

.‍..‍.‍.‍साथ सहयोगको खाँचो

लघुकथा संसार र कविता संसार अनलाइन मासिक पत्रिकालाई
जीवित राख्नका लागि तपाईंको 
आर्थिक सहयोग महत्वपूर्ण हुन्छ ।